When trying new things, it can be both exciting and worrying. Bagaman ang hyperthyroidism ay karamdaman na hindi dapat pangambahan, ang gamutan dito ay maaaring maging sanhi ng pagkabahala sa mga bago pa lamang sa treatment lalo na pagdating sa usapan ng side effects. Subalit walang dapat ipag-alala! We’ll discuss the things to expect as you become healthier through your hyperthyroidism therapy to take away your worry and start getting better.
Hyperthyroidism and Treatment
Ang thyroid gland ay mahalaga sa pag regulate ng hormones ng katawan na involved sa functions tulad ng brain development, metabolism, muscle control, at maging bone development. Ang taong may hyperthyroidism, mataas ang dami ng thyroid hormones na higit pa sa kailangan ng katawan. Samakatuwid, ang gamutan para sa hyperthyroidism ay layon na maitama ang production ng katawan ng sobrang hormones kung kaya’t tinatawag din na anti-hormone drugs at anti-hormone therapy ang gamutan para dito.

Subalit, dahil nga ang mga gamot ay sinusubukan maginterfere sa nakasanayang pag iral ng thyroid, maari magkaroon ng mga side effects ang pag take ng hyperthyroidism medicine.
Anti-hormone/Hyperthyroidism Medicine Side Effects
Kapag may hyperthyroidism, hindi pwedeng hindi mag gamot. Ito ay isang karamdaman na natutugunan lamang ng proper medication and therapy. Para sa mga may hyperthyroidism, makakatulong malaman kung ano ang maaari nilang asahan habang naggagamot. Below are the notable side effects of anti-hormone medication to help you set healthy expectations as well as ease your worries about your treatment.
Common Treatment Side Effects
May ilang side effects ang maaring asahan sa pag take ng hyperthyroidism medicine. Dalawang bagay ang dapat tandaan: (1) maaaring ilan lamang, karamihan, o lahat ng side effects dito ay iyong maranasan pero hindi ito dapat maging sanhi ng pagkabahala; (2) karamihan ng side effects ay buhat sa pag adjust ng katawan sa mga gamot tulad ng TAPDIN® (Methimazole), at NEOMERDIN® (Carbimazole). Expect side effects to subside and eventually stop as you continue your treatment and as your body adjusts to the medication.
Nausea & Stomach Upset
Dahil ang katawan ng isang may hyperthyroidism ay maaring adjusted sa mataas na levels ng hormones sa matagal ng panahon, ang pag take ng gamot ay maaari rin na maging sanhi ng paninibago kung kaya’t maaaring makaranas ng pagkahilo, pagduduwal, at pagsakit ng tiyan.
Joint & Muscle Pain
Ang pananakit ng kalamnan at kasukasuan ay maaaring direktang sintomas ng hyperthyroidism. However, taking hyperthyroidism medicine can also have a temporary side effect of joint and muscle pain.
Rashes & Skin Itchiness
The same goes for rashes and itchy skin; these are also symptoms of hyperthyroidism. Kapag nagsimulang uminom ng gamot for hyperthyroidism, ang iba ay maaaring magkaroon ng mild rash at pangangati sa ilang bahagi ng katawan. Subalit kung ang pangangati at rashes ay malubha, dalhin agad sa doktor dahil maaari rin na allergic reaction ito sa gamot.
Hair Loss
Katulad pa rin ng naunang dalawa, ang pagkalagas ng buhok ay maaring sintomas ng hyperthyroidism at maaring epekto din ng gamutan. Sa malubhang pagkalagas ng buhok, maaaring ikonsulta sa doktor ang mga maaring gawin tulad ng pag adjust sa dosage ng gamot, pagbibigay ng karagdagang treatment para sa buhok, o ibang natural na lunas.
Kung mapapansin, ang pananakit ng katawan, pangangati, at pagkalagas ng buhok ay pare-parehong pwedeng sanhi ng karamdaman o gamutan para sa hyperthyroidism; ito ay dahil sa imbalance ng hormones na dulot ng karamdaman at adjustment sa re-balancing ng hormones na dulot ng treatment. Karaniwang nakikita ang mga side effects na ito sa loob ng 8 weeks ng paggagamot at dahan-dahan din mapapansin na ang mga ito ay naiibsan as the body adjusts to the medication.
Side Effects from Adjunctive Treatment
Rapid Heartbeat, Nervousness, Shaking or Trembling
Symptoms of hyperthyroidism present themselves through your heart and nerves kaya maaaring makaranas ng rapid or erratic heartbeat (tachycardia or palpitations), pagka-nerbyos, at panginginig or pagpapasma at pangangatal ng mga kamay. Bukod sa gamot na direktang lumulunas sa thyroid, kalimitan ay sinasabayan ito ng gamot para sa pag normalize ng heart rate tulad ng INDIRIN® (Propranolol HCI).
Although propranolol aims to address some harmful effects of hyperthyroidism on the heart and nerves, it may present with side effects of its own. Ilan sa mga maaaring side effects nito ay pagbaba ng blood sugar at pag bagal ng heart rate kung kaya’t mainam na sundin ang payo ng doctor kung kailan at paano ito mainam na inumin. Kung mayroon o nagkaroon din ng asthma, mainam ipagbigay alam ito sa doktor kaugnay ng pag gamit ng gamot na ito.
Side Effects that Need Medical Attention
Some side effects will need to be consulted with a medical professional quickly. Ang ilan sa kanila ay:
Severe Rash: maaaring ang pasyente ay may allergy sa gamot. Sa severe cases ng allergy, maaring mamaga ang daanan ng hangin at hindi makahinga ang pasyente.
Fever, Chills, Mouth Sore: ang biglang pagkakalagnat at pag chills o pangangatal ng katawan na tila baga ay giniginaw at pagkakaroon ng mga singaw ay maaaring senyales ng pagbaba ng white blood cells at platelets.
Sakit ng Tiyan, Tagiliran, Paninilaw ng Balat, Pagdilim ng Ihi: Ang biglaan at matinding pag sakit ng tiyan matapos magsimula ng gamot para sa hyperthyroidism ay maaaring senyales ng pamamaga ng apdo o pancreas. Ang paninilaw naman ng balat, pangingitim ng ihi (halos kulay brown o chicken oil sa dilim) ay maaaring senyales liver injury.
Samantalang may ibang side effects ang karaniwan at hindi kailangan maging rason para tumakbo sa ospital, ang mga huling nabanggit ay kailangan ng agarang medical attention.
Wag mag-alala dahil may todong aruga para sa inyong thyroid!
Hyperthyroidism Medicine Side Effect Management
Bukod sa gamot, it’s also helpful to make better choices to help your treatment be more effective as well as manage side effects more easily. Isa sa pangunahing kailangan i-adjust ay ang diet dahil excess iodine ay isa sa mga trigger ng overproduction ng thyroid hormones.

Food that may Worsen Hyperthyroid Symptoms
Maging maingat sa pagpili ng pagkain. Umiwas sa mga pagkain na mayaman sa iodine. Karamihan ng yamang dagat ay hitik sa iodine tulad ng saltwater fishes, seafood & crustaceans, algae, sea weeds, kelp, at nori (iyong pinambabalot sa sushi/maki, side dish sa samgyupsal).
Mayaman din sa iodine ang mga dairy products tulad ng eggs, cheese, at gatas.
Bukod sa iodine, nakita din sa mga pagsusuri na nababawasan ang bisa o effectiveness ng hyperthyroidism medicine dahil sa soy at soy products kaya ugaliing magbasa ng food labels at umiwas sa pagkaing hango sa soya tulad ng toyo, tokwa, taho, soy milk, at iba pa.
Because hyperthyroid activity as well as hyperthyroid medicine may have side effects that raise heart rate and nervousness, it is also advised to avoid caffeine. Ang caffeine ay hindi lang sa kape nakukuha ngunit pati rin sa mga pagkain tulad ng chocolate, at mga inumin tulad ng tea, soda, at energy drinks.
Food Choices that are Great to Hyperthyroid Patients
Isa sa pinaka mainam na pagkain na makakatulong para bawasan ang metabolism ng iodine ng katawan ay cruciferous vegetables. Ang kagandahan dito ay sila ay madaling makita sa pamilihan. Ilan sa halimbawa ng mga cruciferous vegetables ay repolyo, letsugas, talbos ng mustasa, labong, broccoli, at cauliflower.
Nakakatulong din sa magandang pag iral ng katawan ang pag reduce ng inflammation kung kaya’t mahalaga sa mga pasyente na may hyperthyroid condition ang healthy fats tulad ng olive oil, avocado oil & avocado fruit, at unsalted nuts. Mainam din gumamit ng all natural spices bilang pampasarap ng lutuin imbes na instant seasonings. Ilan sa magagandang spices na nakakatulong din sa pagbawas ng inflammation ay turmeric, sili, at paminta.
Adding vitamins and minerals to a hyperthyroid diet plan is also important. Ang mga vitamins na kasamang tumutulong sa mas maayos na thyroid function ay B-vitamins (in the form of B complex), at vitamin D (na nakukuha sa tamang pag bilad sa araw). Ang mga minerals na mahalaga para sa thyroid therapy ay calcium, iron, selenium, at zinc. Ang karamihan o lahat ng ito ay karaniwang nakukuha din sa regular adult multivitamins + mineral supplements.
Consult Physical Activity & Exercise with your Doctor
Mahalaga ang physical exercise sa katawan. Subalit para sa mga taong may thyroid condition, maging hypo- o hyperthyroidism man, mainam na ikonsulta muna sa doktor bago mag engage sa physical activity. Dahil nga nakakaapekto ang thyroid conditions sa metabolism at heart rate, maaaring makasama ang excessive or intense exercise sa taong may thyroid problem.


Ang hyperthyroidism ay isang treatable condition. May ilan mang side effects ang hyperthyroidism medicine, mas mahalaga pa rin na ito ay gamutin dahil maraming komplikasyon ang naidudulot ng pagsasawalang bahala dito. Sa tamang gamot, at sa todong aruga para sa mga taong may thyroid problems, maaari pa makamtan ang healthy at normal life.
Disclaimer: This information is not intended to substitute a professional expertise, ask your doctor or healthcare provider for diagnosis and treatment.
References:
Awosika, Ayoola O., Singh, Gauri, Correa, Ricardo. (2023). Methimazole. NIH National Library of Medicine. Retrieved March 08, 2023, from https://www.ncbi.nlm.nih.gov/books/NBK545223/#:~:text=Methimazole%20is%20an%20 antithyroid%20 medication,production%20in%20the%20thyroid%20gland
Cleveland Clinic. (2021). Exercise and Diet Risks Associated With Uncontrolled Thyroid. Cleveland Clinic. Retrieved March 08, 2023, from https://health.clevelandclinic.org/uncontrolled-thyroid-exercise-diet-risks
Cleveland Clinic. (2021). Hyperthyroidism. Cleveland Clinic. Retrieved March 08, 2023, from https://my.clevelandclinic.org/health/diseases/14129-hyperthyroidism
Drugs.com. (2023). Methimazole Side Effects. Drugs.com. Retrieved March 08, 2023, from https://www.drugs.com/sfx/methimazole-side-effects.html#:~:text=Some%20side%20effects%20of%20methimazole,some%20of%20these%20side%20effects
Iftikhar, Noreen MD. (2023). Hyperthyroidism Diet. Healthline. Retrieved March 08, 2023, from https://www.healthline.com/health/hyperthyroidism-diet#_noHeaderPrefixedContent
Lights, Verneda, Collins, Donald. (2023). Hyperthyroidism: Signs and Symptoms of an Overactive Thyroid. Healthline. Retrieved March 08, 2023, from https://www.healthline.com/health/hyperthyroidism#vs-thyrotoxicosis
MedlinePlus. (2017). Methimazole. Retrieved March 08, 2023, from https://medlineplus.gov/druginfo/meds/a682464.html
NHS. (2021). Carbimazole. NHS UK. Retrieved March 08, 2023, from https://www.nhs.uk/medicines/carbimazole/
NHS. (2023). Overview-Overactive thyroid (hyperthyroidism). NHS UK Retrieved March 08, 2023, from https://www.nhs.uk/conditions/overactive-thyroid-hyperthyroidism/
You and Your Hormones (2020). Thyroid Gland. You and Your Hormones(Society for Endocrinology). Retrieved March 08, 2023, from https://www.yourhormones.info/glands/thyroid-gland/#:~:text=What%20does%20the%20thyroid%20gland,of%20iodine%20from%20the%20diet